Datos personales

Mi foto
Carril (Vilagarcia de Arousa), Pontevedra
A Asociación Cultural, Deportiva e Prestadora de Servicios Xuvenis "ROMPETIMONS" é unha Asociación sen ánimo de lucro,que ten como obxetivo principal a conservación e desenrolo da actividade da navegación tradicional,no entorno do noso mar de Cortegada. Conseguir a incorporación das novas xeracións é o mellor pago que podemos facerlles a TODOS aqueles dos nosos antergos que,co seu esforzo,fixeron posible que esta actividade non desaparecera do noso patrimonio cultural

martes, 10 de julio de 2012

COÑECER CORTEGADA DENDE O MAR A BORDO DO "ILLA DE CORTEGADA"


Xa levamos catro das saidas que organizamos co Concello de Vilagarcia. As 165 prazas que se ofertaron están prácticamente cubertas polo que podemos dicir que esta saindo moi ben




sábado, 26 de mayo de 2012

AGORA SI QUE REMATAMOS






Tras algo máis de tres anos xa podemos dicir que rematamos a construcción do Galeón Illa de Cortegada

O barco xa ten a súa documentación o seu seguro e navega moi ben agora toca disfrutalo

miércoles, 6 de julio de 2011

A todos, gracias


Marcharon as velas do porto de Carril. Xa vai alá o X Encontro de Embarcacións Tradicionais de Galicia. En Carril mézclase a alegria por, a pesares dos atrancos, ter saído as cousas ben e a tristura, por saber que terá que pasar moito tempo para ver un espectaculo semellante no noso porto.

É hora de agradecer a todos o importante esforzo realizado. Son moitas persoas e entidades coas que temos unha débeda contraida. Ä Federación Galega pola Cultura Marítima, con Víctor Fernández ao frente, querémoslle agradecer ter elexido Carril como lugar para celebrar este Encontro, ademais das moitas horas de traballo que nos últimos meses empregaron para salvar unha situación dificil. Aos tripulantes de todas as embarcacións chegadas ata aquí agradecémoslle a sua presencia, o seu comportamento exemplar, o seu bon facer mariñeiro e a pacencia diante dos pequenos problemas que seguro atoparon. Ao Museo do Mar, e en especial ao seu director Pablo Carrera, pola xenerosidade demostrada.

Agradecemos aos mariñeiros de Carril, coa súa Cofradía ao frente, a cesión dos puntos de amarre e o apoio loxístico prestado. Ó C.A.D. "Gato Negro" por terse convertido máis ca nunca na casa do pobo carrilexo, ás asociacións de mulleres de Carril, Trabanca e Guillán polo seu esforzo e a sua contaxiosa alegría. En débeda estaremos sempre cos autores das diferentes exposicións ( Xacobe, Manolo, Chazo, Mougán e Faiado da Memoria), cos grupos de música que animaron as rúas, cos responsables da Farsa e os Xigantes e Cabezudos, con todos os grupos que amenizaron as tardes-noites da Praza da Libertade e con todos aqueles que fixeron posible un programa variado de actividades (radioaficionados, libreiros, artesáns, guías de Cortegada,...).

Non esqueceremos nunca o comportamento de todos os carrilexos. Todos a unha fomos quen de esforzarnos por unha causa común. Aos setenta voluntarios que se encargaron da atención no mar, na carpa comedor, das carpas de información, das barras e das dieferenes tarefas de atención ós visitantes poñeremolos sempre como exemplo dun bon facer.

A todo o pobo de Carril pola acollida e axuda a este evento, moitas gracias.

O mar e esforzo, traballo, as veces penurias, pero tamén solidaridade. Todos os que sentimos o mar como patria, sexan cales sexan as nosas orixes, demostramos estes días a presencia dun valor fundamental, o valor do compromiso co mar e a cultura marítima. Ese compromiso, pese a quen lle pese, é hoxe máis forte. O sabremos manter e incrementar. A todos, gracias.


domingo, 12 de junio de 2011